Xırdalan parkında insanların həyatı üçün təhlükə: Hər an ölüm ola bilər - VİDEO

Xırdalan sakinlərindən biri qeydə aldığı videogörüntünü sosial şəbəkədə paylaşıb. Avtosfer.az xəbər verir ki, görüntü Heydər Əliyev parkında qeydə alınıb.

Belə ki, parkın işıqlanması üçün çəkilən elektrik naqillərinin üzəri açıq qaldığı üçün insanların həyatı təhlükə altındadır. Videogörüntüdən də aydın şəkildə görünür ki, naqillərin birləşdiyi yerə toxunan zaman qısaqapanma baş verir.

Həmin parka gün ərzində yüzlərlə insan istirahətə gəlir. Parkda oynayan azyaşlıların həmin naqillərə toxunma riski çox böyükdür. Yaranmış təhlükəli vəziyyət insanları narahat edir.

Sözügedən videonu təqdim edirik:

Fərid