Xızıda əvvəll qəza, sonra qətl törədən sürücü tutuldu

Qəzadan sonra qətl törətməkdə şübhəli bilinən şəxs tutulub. Avtosfer.az-ın istipress-ə istinadən məlumatına görə, iki gün öncə Xızı rayonu ərazisində-Giləzi-Xızı yolunda baş verib. Şübhəli bilinən şəxs könüllü olaraq hüquq-mühafizə orqanlarına təslim olub. Həmkəndlisi 38 yaşlı  Vamiq Süleyman oğlu Cəfərovu bıçaqlayaraq öldürən Giləzi qəsəbə sakini 41 yaşlı Qabil Abil oğlu Məmmədov yanvarın 18-də gündüz saat 14 radələrində Xızı rayon polis şöbəsinə gələrək hadisəni törətdiyini etiraf edib. Dərhal rayon prokurorluğuna-istintaqa təhvil verilən Qabil Məmmədov ilkin ifadəsində həmkəndlisi Vamiq Cəfərovu ona ana-bacı söyüşü söydüyü üçün bıçaqladığını, onun da hadisə yerində öldüyünü bildirib. İstintaq başladığından hadisənin təfərrüatlar tam açıqlanmır. Xatırladaq ki, yanvarın 16-da Giləzi -Xızı yolunda Giləzi qəsəbə sakinləri Vamiq Cəfərovun idarə etdiyi "Niva" markalı avtomobillə Qabil Məmmədovun idarə etdiyi "VAZ-2106" markalı avtomaşın toqquşub. Qəzadan sonra sürücülərin bir-birilə mübahisəsi qətllə nəticələnib. Qabil Məmmədovun mübahisə zəminində Vamiq Cəfərova ürək nahiyəsindən bir bıçaq zərbəsi endirib. Sonuncu hadisə yerindəcə keçinib.Qabil Məmmədov isə hadisə yerindən qaçmışdı.