Xüsusi zolaqlardan istifadə edən 700 sürücü cərimələnib

Bakıda keçiriləcək 4-cü İslam Həmrəylik Oyunları zamanı avtobusların hərəkəti üçün nəzərdə tutulmuş xüsusi zolaqlardan istifadə etdikləri üçün 700-dək sürücü inzibati məsuliyyətə cəlb olunub. Avtosfer.az “Report”a istinadən xəbər verir ki, bunu Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev bildirib. “Bu zolaqlara yalnız oyunlar üçün nəzərdə tutulmuş nəqliyyat vasitələri buraxılır və 24 saat ərzində zolaqlara nəzarət edilir. Mayın 5-dən 25-nə qədər zolaqlara digər maşınların girməsinə icazə verilmir. Aidiyyəti olmayan maşınlar zolağa girsə, 40 manat cərimə olunurlar. Bu vaxta qədər 700 belə sürücü cərimələnib".