Yanacaq daşıyan yük avtomobili partladıldı: 10 ölü, 25 yaralı

Əfqanıstanın Çarikar şəhərində (Pərvan əyaləti) partlayış baş verib. Avtosfer.az-ın APA-ya istinadən verdiyi xəbərə görə, şəhərin mərkəzində yanacaq daşıyan yük avtomobili partladılıb. Nəticədə hərəkətdə olan sərnişin avtobusu alovlanıb. Hadisə nəticəsində azı 10 nəfər ölüb, 25 nəfər yaralanıb. İlkin məlumata əsasən, avtobusda 50-dən çox sərnişin olub.