Yanacaqdoldurma məntəqəsində yanğın olub - Ölən və yaralanan var

Qusar rayonunda yanacaqdoldurma məntəqəsində yanğın olub. Fövqəladə Hallar Nazirliyindən Avtosfer.az-a verilən məlumata görə, Qusar rayonunda yanacaqdoldurma məntəqəsində kalonka, kalonkanın üzərindən keçən elektrik naqilləri 0,5 p.m, kassa aparatı yanıb. Yüksək temperaturdan lambirdən ibarət tavan 2 kv.m sahədə əriyib. Yanacaqdoldurma məntəqəsinin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.

APA-nın verdiyi məlumata görə, Ağcabədi rayonunda maye-qaz doldurma məntəqəsində baş verən yanğın nəticəsində 1 nəfər ölüb, daha 1-i yaralanıb. İlkin məlumata görə, partlayış çənə qaz vurulan zaman baş verib.

Hadisə nəticəsində ağır xəsarət alan iki nəfər xəstəxanaya çatdırılıb. Onlardan birinin həyatını xilas etmək mümkün olmayıb.

Fərid