Yanacaqdoldurma məntəqəsinə basqın - ŞİRVANDA

Şirvan şəhərində maskalı şəxs yanacaqdoldurma məntəqəsinə basqın edib. Avtosfer.az xəbər verir ki, bu barədə Şirvan şəhər Polis İdarəsindən apa-ya verilən məlumata görə, hadisə şəhərin 1 May küçəsində yerləşən yanacaqdoldurma məntəqəsində qeydə alınıb. Yanacaqdoldurma məntəqəsinə gələn  maskalı şəxs, orada operator işləyən Elvin Əhmədovu döyərək kassadakı 500 manatı götürüb, hadisə yerini tərk edib.

Həyata keçirilən əməliyyat-axtarış tədbirləri ilə quldurluq əməlini törədən Sabirabad rayon sakini, əvvəllər məhkum olunmuş, 1983-cü il təvəllüdlü Mahir İmanov tutulub.

Araşdırma zamanı onun daha bir neçə cinayəti ortaya çıxıb.

Faktla bağlı araşdırma aparılır.