Yanğın və yol qəzasında 9 nəfər ölüb

Rusiyanın Voronej vilayətində fərdi evdə baş verən yanğın nəticəsində 3-ü uşaq olmaqla, 5 nəfər ölüb. Avtosfer.az-ın APA-ya istinadən xəbərinə  görə, bu barədə "RİA Novosti" region üzrə fövqəladə hallar xidmətindəki mənbəyə istinadən məlumat yayıb. Yanğın söndürülüb. Hadisənin səbəbləri araşdırılır.

Altay vilayətində isə sərnişin avtobusunun 2 minik avtomobili ilə toqquşması 4 nəfərin ölümünə səbəb olub. Ölənlər minik avtomobillərinin sürücü və sərnişinləridir. Avtobusda olanlardan xəsarət alanı olmayıb.