Yasamalda itkin düşdü - Maşını Qubada tapıldı - FOTO

2015-ci il dekabrın 16-dan Bakının Yasamal rayon polis idarəsi tərəfindən itkin düşmüş kimi qeydə alınan Bakı sakini Elçin Bayramovun axtarışları bu günədək heç bir nəticə verməyib. Avtosfer.az-ın anspress-ə istinadən məlumatına görə, onun qardaşı Emin Bayramov Elçinin etibarnamə ilə idarə etdiyi "Ford Tranzit" markalı yük avtomobili ilə itkin düşməsi barədə Yasamal polisinə məlumat verib.

Dekabrın 18-də isə Quba rayonunun Talabı kəndi ərazisində meşədə Elçin Bayramovun idarə etdiyi "Ford Tranzit" markalı avtomobil tapılsa da sürücünü tapmaq mümkün olmayıb.

Faktla bağlı Quba prokurorunun köməkçisi Ramiz Nəbiyevin ans-ə verdiyi məlumata görə, rayon prokurorluğunda "qəsdən adam öldürmə" maddəsi ilə cinayət işi açılıb, Quba polisi ilə birgə istintaq-əməliyyat axtarış tədbirləri aparılır.