Yasamaldakı bu küçədə su sızmasının qarşısı niyə alınmır? – RƏSMİ AÇIQLAMA - FOTO

Paytaxtın Yasamal rayonunun mərkəzi küçələrindən birində sakinləri narahat edən mənzərə yaşanır. Belə ki, İlqar İsmayılov küçəsində artıq iki gündür ki, yolda su sızıntısı müşahidə olunur, küçə boyu iri gölməçələr əmələ gəlib.
Avtosfer.az xəbər verir ki, havanın temperaturunun hələ də yüksək olduğu bu dövrdə suyun bu qədər axıdılıb israf edilməsi insanlarda təəccüb və narazılıq doğurur. Əraziyə yaxınlaşanda sanki kiçik bir çay axırmış kimi mənzərə ilə rastlaşırsan. Halbuki hər gün içməli suya qənaət çağırışları edilir, hətta abonentlər sərfiyyata görə cərimə və ödənişlərlə üzləşirlər.
Məsələ ilə bağlı sakinlər bildirirlər ki, dəfələrlə müvafiq qurumlara müraciət etsələr də, hələlik heç bir tədbir görülməyib. 

Azərbaycan Dövlət Su Ehtiyatları Agentliyindən saytımıza verilən məlumata görə hazırda həmin ərazi sukanal idarəsinin nəzarətindədir:
“Qazıntı işləri aparılmalıdır, bununla bağlı müvafiq quruma müraciət olunub. Tez bir zamanda işlərə başlanılacaq”.

Fidan