Yekaterinburq-Bakı aviareysi texniki səbəblərdən yubanır

Yekaterinburq-Bakı təyyarə reysinin reallaşdırılması texniki səbəblərdən iki saatlıq yubanır. Avtosfer.az xəbər verir ki, bunu trend-ə Heydər Əliyev Beynəlxalq hava limanından deyiblər. Təyyarə Yekaterinburqun "Koltsovo" aeroportundan yerli vaxtla saat 11:30-də uçmalı idi. Aeroportdan qeyd ediblər ki, uçuş təxminən iki saat saxlanılıb: “Gözlənilir ki, təyyarə Yekaterinburqdan saat 13:30-da uçacaq və yerli vaxtla saat 15:40-da Bakıya çatacaq. Müvafiq olaraq, Bakı-Yekaterinburq reysi də yubanma ilə reallaşdırılacaq”.