Yəməndə iki avtomobil partladılıb, 6 hərbçi ölüb

Yəmənin cənubunda yerləşən hərbi baza yaxınlığında iki terror aktının törədilməsi nəticəsində ən azı 6 hərbçi ölüb, daha 12 nəfər yaralanıb. "Report" xəbər verir ki, bu barədə ərəb kütləvi informasiya vasitələri yazıb. Hadisə yerindən daxil olan məlumata görə, bir-birindən 50 metr məsafədə iki minalanmış avtomobil partladılıb. Terror aktına görə məsuliyyəti heç kim üzərinə götürməyib.