Yeni aeroportundan iki aviadaşıyıcı Azərbaycana uçacaq - Moskvadan

Moskvanın yeni “Jukovski” Beynəlxalq aeroportundan iki aviadaşıyıcı müntəzəm marşrutlar üzrə Azərbaycana reyslər yerinə yetirməyə icazə alıb. Avtosfer.az oxu.az-a istinadən xəbər verir ki, bu barədə Rusiya Federal Hava Nəqliyyatı Agentliyinin (Rosaviasiya) daşıyıcıların beynəlxalq reyslərin yerinə yetirilməsinə icazəyə dair protokolunda deyilir.

Protokolda qeyd edilir ki, “Yamal” aviaşirkəti Jukovski-Bakı və Jukovski-Gəncə marşrutu üzrə müntəzəm reyslərin yerinə yetirilməsinə icazə əldə edib. Reyslər həftədə 4 dəfə həyata keçirləcək. 

“VİM-Avia” şirkəti Jukovski-Gəncə marşrutu üzrə uçuşlara icazə əldə edib. Aviareys həftədə yeddi dəfə həyata keçiriləcək. 

“Uralskiye avialinii” şirkətinin Çelyabinsk-Bakı, Sankt-Peterburq-Bakı, Sankt-Peterburq-Gəncə və Yekaterinburq-Lənkəran marşrutu, eləcə də Rusiya aviaşirkətinin İrkutsk-Bakı və Mineralnie vodı-Bakı marşrutu üzrə reyslər üçün çıxış aviadaşıyıcıların istəyinə görə geri alınıb. 

Moskvanın dördüncü Jukovski Beynəlxalq aeroportunun açılışı mayın 30-da baş tutub. Yeni hava limanının ilkin ötürücü qabiliyyəti ildə dörd milyon sərnişin olaraq göstərilmişdi.