Yeni “bir nömrəli göyərtə”nin sifarişinin ləğvini tələb edib - Tramp

ABŞ-ın yeni seçilmiş prezidenti Donald Tramp “Boeing” şirkəti ilə “bir nömrəli göyərtə”nin sifarişinə dair müqavilənin ləğv edilməsinə çağırıb. Səbəb isə böyük məbləğdə məsrəflər olub. 

“Boeing” gələcək prezidentlər üçün tamamən yeni “747 Air Force One” təyyarələri hazırlayır, amma çəkilən xərclər nəzarətdən çıxaraq dörd milyard dollara çatıb”, - Tramp “Tvitter” hesabında yazıb.  “Boeing” şirkəti “Boeing 747-8” ABŞ təyyarəsinin bazasında prezidentlər üçün yeni təyyarələrin hazırlanmasına dair müqaviləni 2016-cı ilin yanvar ayında bağlayıb. 

Sifarişin realizəsi ilkin mərhələdədir. Yeni prezident təyyarələrinin təxminən 2024-cü ildə istifadəyə veriləcəyi gözlənilir. Tramp onlardan əgər ikinci müddətə prezident seçilərsə, istifadə edə biləcək. Hazırda korporasiyaya yeni təyyarənin istehsalı üçün 170 milyon dollara yaxın vəsait köçürülüb. Trampın administrasiyasının təyyarələrin istehsalından imtina etməsi, “Boeing” şirkətinə ödənilən məbləğin geri qaytarılmayacağı deməkdir.