Yeni Günəşlidə yollar buzdan təmizlənir – FOTO+VİDEO

Bakının Yeni Günəşli qəsəbəsi, "V" və "D" yaşayış massivlərinin buz bağlanmış yollarına qum və duz səpilib, yolun hərəkət hissəsi buz qalıqlarından təmizlənib. Avtosfer.az xəbər verir ki, bu barədə "Azəravtoyol" ASC-dən verilən məlumata görə, ötən gecə və səhər saatlarında olduğu kimi, bu gün də avtonəqliyyat vasitələrinin hərəkətinin fasiləsizliyini və təhlükəsizliyini təmin etmək məqsədi ilə Bakı şəhərinin ASC-nin balansında olduğu küçə və prospektlərin, o cümlədən respublikanın avtomobil yollarının qardan və buzdan təmizlənməsi tədbirləri davam etdirilir. Yollara "Azəravtoyol" ASC-yə məxsus qar kürüyən, duz-qum səpən texnikalar, həmçinin canlı qüvvə cəlb edilib. Atılmış addımlar nəticəsində nə Bakı şəhərində, nə də respublikanın avtomobil yollarında avtonəqliyyat vasitələrinin hərəkətində hər hansı bir problem müşahidə olunub. Analoji işlər paytaxtın Xətai rayonu ərazisində də aparılır.

Emin