Yeni marşrut xətti bölgənin iqtisadi və turizm əhəmiyyətli şəhərlərini birləşdirir - Naqif Həmzəyev - FOTO

AZCON Holding şirkətlərindən olan “Azərbaycan Dəmir Yolları” QSC (ADY) sərnişin məmnuniyyətinin daha da yüksəldilməsi, xüsusilə bölgələrdə nəqliyyatın əlçatanlığının təmin edilməsi məqsədilə ilk dəfə regiondaxili marşrut üzrə sərnişin daşımalarına başlayır.

Avtosfer.az xəbər verir ki, Azərbaycanda dəmir yollarının yaranmasının 145 illiyi ərəfəsində – 28 sentyabr 2025-ci il tarixindən etibarən müasir elektrik qatarları ilə Gəncə–Mingəçevir–Ağstafa marşrutu üzrə gündə 2 dəfə sərnişinlərə xidmət göstəriləcək.

Yeni dəmir yol xəttinin regiona təsirləri ilə əlaqədar Avtosfer.az-a müsahibəsində Milli Məclisin Gəncədən olan deputatı Naqif Həmzəyev bildirib ki, həm təmsilçisi olduğu şəhər, həm də Mingəçevir bölgənin turizm əhəmiyyəyli məntəqələrindən biridir:

“Bu qatarın açılması region üçüm çox önəmli addımdır. Azərbaycanın bütün qərb bölgəsi Gəncə ilə birbaşa əlaqədədir. Burada 3 böyük universitet yerləşir. Eyni zamanda Gəncə regionun iqtisadi mərkəzi rolunu da üzərinə götürüb. Eyni zamanda, Mingəçevirdə də universitet var və bura həm də turizm şəhərlərimizdən biridir. Qarşılıqlı olaraq, Gəncə və Mingəçevirdən olan vətəndaşların səfərləri üçün nəqliyyat yükünü üzərinə götürən bu dəmir yollu xətti həm də yerli və xarici turistlərin regiona səyahətlərinin asanlaşdırılması istiqamətində də vacib əhəmmiyətə malikdir.

Qatar, həmçinin, Ağstafa istiqamətində də sərnişinlər üçün rahat səyahət və vaxta qənaət, ən əsası da çox az məbləğə bu səfərləri həyata keçirmək mümkün olacaq. Mən inanıram ki, bu regional xəttin açılması həm digər bölgələrimizə - Ağdam, Bərdə, Xankəndi, Füzuli, Naxçıvan və Lənkəran istiqamətlərində də bu cür reyslərin həyata keçirildiyinə şahidlik edəcəyik”.

Səfər