Yeni ticarət mərkəzinin açılışı izdihama səbəb oldu: Eskalatora tərs istiqamətdə mindilər – VİDEO

Bakıda yeni açılan ticarət mərkəzinin açılışı zamanı gözlənilməz izdiham yaşanıb.

Avtosfer.az xəbər verir ki, açılış mərasiminə gələn çoxsaylı insanlar ərazidə böyük ölçüdə sıxlığa səbəb olub. Məlumata görə, ticarət mərkəzinə girişdə yaranan böyük növbələr səbəbindən bəzi müştərilər fərqli və riskli addımlara əl atıblar.

Belə ki, eskalatorların həddindən artıq dolu olması səbəbindən bir qrup şəxs əks istiqamətdə hərəkət edən eskalatorla yuxarı qalxmağa, ticarət mərkəzinə daxil olmağa çalışıb. Bu isə həm təhlükəsizlik baxımından risk yaradıb, həm də ərazidə əlavə gərginliyə səbəb olub.

Hadisə zamanı hər hansı xəsarət alanın olmadığı bildirilir. Bununla belə, yaranan vəziyyət ticarət mərkəzlərində kütləvi açılış tədbirlərinin daha yaxşı təşkil olunmasının vacibliyini bir daha gündəmə gətirib.

Eltac Zülfüqaroğlu