Yer kürəsini gözləyən təhlükə - Nəhəng asteroid yaxınlaşır

Amerikalı alimlər və astronomlar bildiriblər ki, martın 4-də, təxminən gecə saat 2-də nəhəng asteroidin Yer kürəsinin nisbətən yaxınlığından keçidini xüsusi teleskoplarla müşahidə etmək mümkün olacaq. Avtosfer.az “dni24.com” saytına istinadla xəbər verir ki, çox böyük ölçüləri olan kosmik cismin diametr 570 metrdir. Asteroidin ölçülərini maksimal dərəcədə təsəvvür etmək üçün astronomlar bildirib ki, onu Nyu-Yorkdakı saysız-hesabsız göydələnlərlə müqayisə etmək olar. “Atir” adı almış asteroid ilk dəfə 2015-ci ilin martında aşkarlanıb. Alimlər kosmik cismi tədqiq etməkdə davam edirlər. Bütün gecə boyu onlar asteroidin Yer kürəsinin yaxınlığından necə uçub-getdiyinə tamaşa edəcəklər. Ev şəraitində onu teleskoplarla görmək mümkün olmayacaq, çünki bundan ötrü xüsusi böyüdücülər lazımdır.