Yol polisini maşınla vurub qaçan sürücü su borusunun içində yaxalandı - VİDEO

“Saxla” xəbərdarlığına tabe olmayan avtomobilin sürücüsü yol polisi əməkdaşını vuraraq qaçıb. Avtosfer.az xəbər verir ki, hadisə Türkiyənin Tekirdağ şəhərində baş verib.
Belə ki, D-110 şosesinin Malkara rayonundan keçən hissəsində reyd həyata keçirən regional yol polisi əməkdaşları 61-AEK-606 dövlət nömrə nişanlı avtomobilin sürücüsünə saxlaması barədə xəbərdarlıq edib. Xəbərdarlığa tabe olmayan sürücü polis əməkdaşı R.B.-ni vuraraq qaçıb.
Yoluna davam edən sürücü Küçükhıdır məhəlləsində sükan idarəetməsini itirərək avtomobili yolun sağ tərəfindəki sahəyə aşırıb. Hadisə yerini tərk edən sürücü təxminən 5 saat davam edən axtarış-əməliyyat tədbirləri nəticəsində Çanaqqala şossesinin altından keçən su drenaj borusunun içindən jandarma qrupları tərəfindən tutulub.

Hadisə nəticəsində xəsarət alan polis əməkdaşı R.B. təcili tibbi yardım maşını ilə Malkara Dövlət Xəstəxanasına aparılıb. Onun vəziyyətinin normal olduğu bildirilib.
Yüngül xəsarətlər alan sürücü isə ilkin tibbi yardımdan sonra nəzarət altına alınıb, o hakim qarşısına çıxarılacaq. Bundan əlavə, onun sərxoş olduğu da müəyyən olunub.
Namiq Musayev
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq












