Yollardan biri bağlandı, polislər yaralandı - Minlərlə insan Trampa etiraz edir

ABŞ-da minlərlə nümayişçi Donal Trampın prezident seçilməsinə etiraz olaraq küçələrə çıxıb. Avtosfer.az “qafqazinfo”ya istinadən xəbər verir ki, etirazlardan biri  Los-Ancelosda qeydə alınıb. Nümayişçilər Hollivuda gedən əsas magistrallar yollardan birini bağlayıblar. Dinc şəkildə keçən nümayişdə polis bir neçə nəfəri saxlayıb.

Kaliforniya ştatının Oklend şəhərində isə Trampa etiraz edənlərlə polis arasında qarşıdurma yaşanıb, nəticədə bir neçə polis yaralanıb. Yaralı polislər xəstəxanaya çatdırılıblar. Etiraz aksiyasında təxminən 7 min insan iştirak edib. Daha əvvəl isə analoji aksiyalar Nyu-York, Çikaqo, Vaşinqton, Filadelfiya, Boston, Sietl, Portlenddə baş verib. Xatırladaq ki, Donald Tramp seçkilərdə lazım olan 270 səsdən 290-nı toplayaraq prezident seçilib. Yeni seçilmiş prezident vəzifəsinin icrasına yanvarın 20-dən başlayacaq.