Yolun ortasında özünü bıçaqlamaq istədi - BAKIDA

Bakı şəhərində intihara cəhd edilib. Hadisə Sabunçu-Zabrat yolunda baş verib. 35-40 yaşlarında naməlum kişi əlində bıçaqla yola çıxaraq intihara cəhd edib. Hadisə yerinə polis əməkdaşları gəlib. Sabunçu rayon Polis İdarəsinin 12-ci polis bölməsindən APA-ya bildirilib ki, polis əməkdaşları intihar etmək istəyən şəxsi fikrindən daşındıra biliblər. Həmin şəxs polis bölməsinə dəvət olunub. Araşdırmalar zamanı onun Füzuli rayon sakini, 1976-cı il təvəllüdlü Nadir Polad oğlu Məmmədov olduğu müəyyən edilib.