Yük avtomobili partladıldı - 10 yaralı

Pakistanın Lahor şəhərində bomba yüklü yül avtomobili partlayıb. Avtosfer.az-ın salamnews-a istinadən verdiyi xəbərə görə, bu barədə təhlükəsizlik xidmətindən məlumat verilib. Şəhərin qərbində yerləşən İslampur bölgəsində dayanmış vəziyyətdə olan meyvə dolu yük avtomobilinin partlaması nəticəsində ən az 10 nəfərin yaralandığı bildirilir. Yük avtomobilində gizlədilən partlayıcıların səhvən partladığını bildirən səlahiyyətlilər partlayış nəticəsində ətrafdakı vasitələrin ziyan gördüyü, yaxınlıqdakı evlərin damının çökdüyü, bəzi evlərin pəncərələrinin qırıldığını söyləyiblər. Hadisə ilə bağlı ilkin araşdırmalar aparılır.