Yük maşını yanıb, sürücüyə tibbi yardım göstərilib - FOTO

Axşam saatlarında İmişli rayonunda yük maşınının banı içərisindəki əşyalarla birlikdə yanıb. “Report” xəbər verir ki, Oğuz rayon sakini Rəşad Nurməmməd oğlu İbrahimovun idarə etdiyi “Hundai” markalı yük avtomobilinin banı qəflətən yanmağa başlayıb. Yanğın hadisə yerinə cəlb olunan Fövqəladə Hallar Nazirliyinin İmişli Yanğından Mühafizə Hissəsinə məxsus yanğınsöndürən maşın tərəfindən söndürülüb. Buna baxmayaraq banın bir hissəsi və içərisində olan təsərrüfat malları yararsız vəziyyətə düşüb. Özünü pis hiss edən sürücüyə isə hadisə yerinə gəlmiş "təcili yardım" həkimləri tərəfindən ilkin tibbi yardım göstərilib.

Faktla bağlı araşdırma aparılır.