Yük vaqonundan mina və partlayıcı qurğular tapıldı - Paytaxtın cənub-şərqindən

Rusiya paytaxtında yük vaqonunda mina və partlayıcı qurğular tapılıb. Avtosfer.az Rusiya mətbuatına istinadən xəbər verir ki, paytaxtın cənub-şərqində yerləşən Çuxlinka dəmir yolu stansiyasındakı yük qatarının vaqonlarının birində partlayıcılar, o cümlədən minalar aşkarlanıb. Stansiyanın yerləşdiyi ərazi mühasirəyə alınıb, hadisə yerinə xüsusi xidmət orqanlarının əməkdaşları çağırılıb. Hazırda hüquq-mühafizə orqanlarının əməkdaşları stansiyanın yük parkında yerləşən vaqonda yoxlama aparır. Həmin vaqonun dəmir yolundan uzaqda olduğu və qatarların hərəkətinin təhlükəsizliyinə əngəl törətmədiyi bildirilir.