Zabratda çökən yol sürücülərin kabusuna çevrilib - VİDEO

Paytaxtın Sabunçu rayonu Zabrat dairəsində, Bolmart” supermarketlər şəbəkəsinin qarşısında yolun bir hissəsi çökərək yararsız hala düşüb.  

Avtosfer.az-ın məlumatına görə, bu barədə sürücülərdən biri sosial şəbəkə hesabında paylaşım edib. Nəticədə yoldan keçən nəqliyyat vasitələri çuxura düşür və onlara maddi ziyan dəyir. Xüsusilə günün qaranlıq saatlarında ərazidən keçən avtomobillər çuxura düşərək yayları yararsız hala düşür. Şikayətçinin iddiasına əsasən, yol uzun müddətdir bu haldadır və xoşagəlməz halla bağlı heç bir tədbir görülmür. 

Azərbaycan Avtomobil Yolları Dövlət Agentliyinin mətbuat katibi Anar Nəcəfli Avtosfer.az-ın sorğusuna cavab olaraq bildirib ki, problemlə bağlı qısa müddətdə tədbir görüləcək.

Nərmin