Zəngilan aeroportundan yeni görüntülər - “Zəngəzura xoş gəlmisiniz” - VİDEO

Tikintisi sona çatdırılan Zəngilan beynəlxalq hava limanından yeri görüntülər yayılıb. Avtosfer.az xəbər verir ki, video AZAL şirkəti tərəfindən hazırlanıb.
Görüntülərdə diqqəti cəlb edən əsas məqam aeroportun girişində “Zəngəzura xoş gəlmisiniz” yazısıdır.
Qeyd edək ki, hava limanının açılışı bu yaxınlarda reallaşdırılacaq. Bir neçə ay öncə verilən informasiyaya görə, tədbirdə Azərbaycan lideri İlham Əliyevlə yanaşı Türkiyə prezidenti Rəcəb Tayyib Ərdoğan da iştirak edəcək.
Qeyd edək ki, Ərdoğan Füzulidə açılan aeroportun açılış mərasiminə də qatılmışdı.
Yeri gəlmişkən, işğaldan azad edilən ərazilərdə, daha doğrusu Laçın rayonunun Qorçu kəndi ərazisində 3-cü aeroport inşa edilir. Onun tikintisi 2024-cü ildə sona çatacaq.