Ziya Məmmədovun keçmiş müşaviri qohumunu tutdurdu - 50 kq qızıla görə

Nəqliyyat naziri Ziya Məmmədovun keçmiş müşaviri öz qohumu haqda polisə şikayət edib. Vəkil Adəm Məmmədov “Qafqazinfo”ya açıqlamasında bu barədə məlumat verib. O şikayətçi olan müşavirin adını açıqlamasa da, həmin şəxsinin vaxtilə Nəqliyyat Nazirliyində həm də departament rəhbəri işlədiyini deyib. Sabiq müşavir qohumu olan Rövşən Əhmədovu dələduzluqda ittiham edib. Vəkil bildirib ki, hüquqlarını qoruduğu R.Əhmədov şikayətlə bağlı saxlanılaraq Daxili İşlər Nazirliyinin Müştəkkil Cinayətlarlığa Qarşı Mübarizə Baş İdarəsi əməkdaşları tərəfindən tutulub və 10 gündən artıq müddətə həmin idarədə saxlanılıb. Z.Məmmədovun keçmiş müşaviri qohumu R.Əhmədova ona məxsus 50 kq qızılı dələdzuzluq yolu ilə ələ keçirməkdə ittiham edir. Həmin şəxs müvafiq dövlət orqanı tərəfindən hələki zərərçəkmiş şəxs kimi tanınmayıb.