200-dən çox uçuş təxirə salındı – SƏBƏB

Moskvanın Şeremetyevo hava limanında 200-dən çox uçuş təxirə salınıb və ləğv edilib.

Avtosfer.az xəbər verir ki, məlumat mayın 17-də hava limanının onlayn uçuş məlumat lövhəsində yerləşdirilib.

Moskvanın Vnukovo hava limanında da 75 uçuş təxirə salınıb və ya yenidən planlaşdırılıb.

Bəzi təyyarələr alternativ hava limanlarına yönləndirilib.

Uçuşların gecikmələri və ləğvi uçuş məhdudiyyətləri səbəbindən baş verib. Bildirilir ki, məhdudiyyətlər artıq aradan qaldırılıb.

Qeyd edək ki, mayın 17-də gecə yarısı başlayan Moskvaya dron hücumu bir ildən çox müddətdə ən böyük hücum olub.

Moskva meri Sergey Sobyanin bildirib ki, gecə ərzində şəhərə yaxınlaşan 81 dron məhv edilib.

Ümumilikdə, son 24 saat ərzində hava hücumundan müdafiə sistemləri Moskvaya hücum etməyə cəhd göstərən 120-dən çox dron zərərsizləşdirilib. (Globalinfo.az)