55 nəfərin zəhərləndiyi toyun təfərrüatları - VİDEO
Hadisə
16 Avqust 2024 23:48
Oxunub 588
Ötən gün Qəbələ rayonunda kütləvi zəhərlənmə olub.
Həmin gün Qəbələ Rayon Mərkəzi Xəstəxanasına ümumilikdə 55 nəfər (21 kişi, 34 qadın cinsli olmaqla) qida zəhərlənməsi şübhəsilə müraciət edib.
Onların hamısının eyni şadlıq sarayında keçirilən toyda iştirak etdikləri məlum olub.
Həmin restoranı işlədən Pərviz Kərimov bildirib ki, istifadə edilən bütün qida məhsulları toy yiyəsi tərəfindən gətirilib və hazırlanıb.
Faktla bağlı Qəbələ Rayon Prokurorluğunda araşdırma aparılır.
Qeyd edək ki, zəhərlənmənin səbəbinin müəyyənləşdirilməsi məqsədilə prokurorluq əməkdaşları tərəfindən Qida Təhlükəsizliyi Agentliyi əməkdaşlarının iştirakı ilə şadlıq evindəki qidalardan nümunələr götürülərək müvafiq ekspertizalar təyin edilib və digər zəruri prosessual hərəkətlər icra olunub.
Ətraflı videomaterialda:
ŞƏRH YAZ
DİGƏR XƏBƏRLƏR
