ABŞ-də iki paraşütçü havada toqquşdu, biri öldü

ABŞ-də 62 yaşlı paraşütçü Robert Sabo Massaçusets ştatında tullanma zamanı havada başqa bir paraşütçü ilə toqquşaraq həlak olub.

Avtosfer.az-ın xəbərinə görə, bu barədə "The Sun" nəşri idmançıların təmsil olunduğu şirkətə istinadən məlumat verib.

"İki təcrübəli paraşütçü havada toqquşub. Xəsarət alan paraşütçü tam işlək paraşüt altında yerə enib", - deyə şirkətdən bildirilib.

Robert Sabo Vusterdəki Massaçusets Universitetinin Tibb Mərkəzinə aparılsa da, həkimlər onun həyatını xilas edə bilməyiblər.

Hüquq-mühafizə orqanları araşdırmalara başlayıb, ölümün dəqiq səbəbi tibbi ekspertizadan sonra məlum olacaq.

Sabonun təlimatçı kimi çalışdığı şirkətin nümayəndəsinin sözlərinə görə, o, 2002-ci ildən paraşüt idmanı ilə məşğul olub və 5000-dən çox tullanma həyata keçirib.