Ağdamda dünya çempionu amansızlıqla döyüldü

Ağdamda dünya çempionu bir neçə nəfər tərəfindən döyülüb.

Avtosfer.az oxu.az-a istinadən xəbər verir ki, hadisə rayonun Qızılı Kəngərli kəndində baş verib. Karate üzrə dünya çempionu, güləş üzrə Gəncə şəhər çempionu və Avropa üçüncüsü Taleh Məmmədov kənd ərazisindəki şirkətlərdən birinin həyətində maşın saxlayarkən şirkətin anbar müdiri Ruhil adlı şəxs ona avtomobili həyətdən çıxarmağı tələb edib. Anbar rəisi ilə dünya çempionu arasında mübahisə yaranıb və nəticədə, Ruhil Taleh Məmmədovu qəfil vuraraq yerə yıxıb. Daha sonra şirkətin Saleh adlı direktoru hadisə yerinə gələrək yerdən götürdüyü bel və dəyənəklə Talehə zərbələr endirərək onun qalxmasına mane olub. Şirkətin digər işçiləri də direktor və anbar rəisinə köməyə gələrək dünya çempionunu dəyənək, bel və təpik zərbələri ilə döyüblər.

Faktla bağlı cinayət işi başlayıb və iş məhkəməyə göndərilib.

Məhkəmənin hökmü ilə Ruhil qazancından iyirmi faiz məbləğdə dövlət nəfinə pul tutulmaqla, bir il müddətə islah işləri cəzasına məhkum edilib.