Ağstafada dəfn edilən şəhidlə bağlı YENİ XƏBƏR - FOTO

Qarabağda bir neçə gün öncə şəhid olan hərbçimiz Mustafayev Vəli Ceyhun oğlunun nişanlısı bu gün faciəvi şəkildə həlak olub.

Mediafax-ın əldə etdiyi məlumata görə, nişanlısının şəhid olması xəbərinə dözə bilməyən qız canına qəsd edib.

Vəfatından sonra onun "vatsap" mesajı üzə çıxıb. Şəhid nişanlısının bacısına ünvanlandığı ehtimal edilən mesajda belə yazılıb: "Anana de, gəlinin də gedir oğlunun yanına. Tək qoyan deyiləm onu. Mən ancaq belə qurtula bilərəm".

Məlumata görə, o, sabah nişanlısının yanında dəfn olunacaq.

Qeyd edək ki, şəhid Vəli Mustafayev dünən Ağstafa rayonu, Qarahəsənli kənd qəbiristanlığında torpağa tapşırılıb.

Allah rəhmət eləsin!..