Ağstafada kafedə qardaşlar dava saldılar: Qan töküldü - YENİLƏNİB

Ağstafa rayonunda kafedə xəsarət alan iki qardaş evə buraxılıb.

Avtosfer.az-ın məlumatına görə, Tibbi Ərazi Bölmələrini İdarəetmə Birliyindən (TƏBİB) Oxu.Az-a bildirilib ki, oktyabrın 5-də gecə saat üç radələrində iki nəfər (kişi) Ağstafa Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

2003-cü il təvəllüdlü şəxsə sağ əlin kəsilmiş yarası, 2005-ci il təvəllüdlü şəxsə isə boyun nahiyəsinin kəsilmiş yaraları, sağ əlin və qarnın ön divarının çoxsaylı kəsilmiş yaraları diaqnozları təyin edilib.

Hər birinə zəruri tibbi xidmət göstərilib.

Vəziyyətləri qənaətbəxş qiymətləndirilən şəxslər ambulator müalicə üçün evə buraxılıblar.

***10:23

Ağstafa rayonunda iki qardaşın xəsarət alması ilə nəticələnən hadisənin təfərrüatı məlum olub.

Avtosfer.az oxu.az-a istinadən xəbər verir ki, hadisə zamanı hər iki qardaş sərxoş olub. Qazax rayonundan olan 2003-cü il təvəllüdlü Nicat Vəliyev və qardaşı 2005-ci il təvəllüdlü Xəyal Vəliyev Ağstafa rayonunda restoranlardan birində yeyib-içiblər. Sərxoş vəziyyətdə olan qardaşlar restoranda ard-arda bir neçə mahnı sifariş verib, oynayıblar. Onlar yenidən mahnı sifariş verərkən səs-küy salıb, restorandakı digər qonaqların istirahətinə mane olublar. Restoran sahibi musiqini saxlayıb və qardaşlara iradını bildirib. Bu vaxt Xəyal stoldakı pivə bakalını qıraraq, həmin bakalla özünə xəsarətlər yetirməyə başlayıb. Bu vaxt yanında olan qardaşı Nicat qırılmış bakalı ondan almağa cəhd edib və nəticədə özü də xəsarət alıb.

Hər iki şəxs xəstəxanaya yerləşdirilib.

***

Ağstafa rayonunda kafedə bıçaqlanma hadisəsi baş verib.

Hadisə rayon ərazisində qeydə alınıb. Rayon sakini, 2003-cü il təvəllüdlü N.Vəliyev və qardaşı 2005-ci il təvəllüdlü X.Vəliyev bıçaq xəsarətləri ilə xəstəxanaya gətiriliblər.

Araşdırmalar zamanı məlum olub ki, həmin şəxslər sərxoş vəziyyətdə özlərinə xəsarət yetiriblər.

Faktla bağlı araşdırma aparılır.