Ağstafada mağaza sahibi müştərini ürəyindən bıçaqladı

Ağstafa rayonunda bıçaqlanma hadisəsi baş verib.

Avtosfer.az "Qafqazinfo"ya istinadən xəbər verir ki, hadisə rayon mərkəzində yerləşən geyim mağazalarından birində qeydə alınıb.

İlkin məlumatlara əsasən, mağaza sahiblərindən biri ilə müştəri arasında mübahisə yaranıb. Qısa zamanda böyüyən münaqişə qanlı sonluqla nəticələnib. Belə ki, mağaza sahibi Rəşad Hacıyev 1991-ci il təvəllüdlü Babək Hüseynova ürək nahiyəsindən bıçaq zərbəsi vurub.

Yaralı təcili olaraq Qazax Rayon Mərkəzi Xəstəxanasına çatdırılıb.

Faktla bağlı Ağstafa Rayon Polis Şöbəsində araşdırma aparılır.