Ağsu və Sumqayıtda ağır yol qəzaları - 2 ölü, 5 yaralı var - VİDEO
Hadisə 2 Mart 2022 01:15 Oxunub 810
Ağsu və Sumqayıtda ağır yol qəzaları - 2 ölü, 5 yaralı var   - VİDEO

Ağsuda zəncirvari qəza olub, ölən və yaralananlar var.

Avtosfer.az-ın məlumatına görə, hadisə Bakı-Şamaxı-Yevlax yolunun rayonun Kəlağayılı kəndi ərazisindən keçən hissəsində qeydə alınıb. 58 yaşlı  Habil İsmayılov idarə etdiyi orta tutumlu yük maşını ilə hərəkətdə olarkən idarəetməni itirib. Bu zaman avtomobil qarşı zolaqda hərəkətdə olan 42 yaşlı  Cabir Vahabovun idarə etdiyi yük maşını ilə toqquşub. Daha sonra 27 yaşlı Röyal Əhmədlinin idarə etdiyi avtomobili vurub. Nəticədə yük maşınının sürücüsü Habil İsmayılov aldığı xəsarətlərdən xəstəxanada ölüb, digər sürücü Cabir Vahabov və sərnişini Yaqut Quliyeva isə müxtəlif bədən xəsarətləri alıb. Sumqayıtda da ölümlə nəticələnən yol- nəqliyyat hadisəsi baş verib. Mikroavtibus yük maşını ilə toqquşub. Hadisə Bakı -Quba avtomobil yolunun Sumqayıtın Hacı Zeynalabdin qəsəbəsindən keçən hissəsində qeydə alınıb. Qəza nəticəsində mikroavtobusun  sürücüsü 1955-ci il təvəllüdlü Əliş Adışov  hadisə yerində ölüb. Mikroavtobusda  olan 3 sərnişin isə müxtəlif bədən xəsarətləri alaraq Sumqayıt təcili tibbi yardım xəstəxanasına yerləşdiriliblər. 

Faktlarla bağlı araşdırmalar  aparılır.

ŞƏRH YAZ
Ad

E-mail

Şərh