Ağsuda təqaüd düzəltmək adı ilə vətəndaşları aldadan şəxs ƏLƏ KEÇDİ - FOTO

Ağsu Rayon Polis Şöbəsinin əməkdaşlarının daxil olmuş müraciətlər əsasında həyata keçirdikləri tədbirlərlə vətəndaşların etibarından sui-istifadə edərək onlara qarşı dələduzluq edən 40 yaşlı Cəmil Atakişiyev saxlanılıb.

Avtosfer.az-ın Oxu.az-a istinadən məlumatına görə, C.Atakişiyev ayrı-ayrı vətəndaşları təqaüd təyin etdirmək və işə düzəltmək kimi yalan vədlərlə aldadaraq onların xeyli miqdarda maddi vəsaitini ələ keçirib.

Faktla bağlı cinayət işi başlanılıb, məhkəmənin qərarı ilə həmin şəxs barəsində həbs qətimkan tədbiri seçilib.

C.Atakişiyevin qanunsuz əməllərindən zərər görən digər vətəndaşlar olarsa, polis orqanlarına məlumat verə bilərlər.