Almaniyada azərbaycanlı maşını dayanacağa çırpdı - FOTO - VİDEO

Almaniyada sürücü avtomobili avtobus dayanacağına çırpıb.

Avtosfer.az “Bild”ə istinadən xəbər verir ki, hadisə Gissen şəhərində qeydə alınıb.

Bildirilib ki, nəticədə 3 nəfər xəsarət alıb.

Polisin verdiyi məlumata görə, yaralılardan birinin vəziyyəti ağırdır. Avtomobili idarə edən 32 yaşlı Azərbaycan vətəndaşı saxlanılıb.

İlkin məlumatlara əsasən, sürücü maşını avtobus dayanacağındakı piyadalara çırpmamışdan əvvəl eyni istiqamətdə hərəkət edən iki avtomobillə toqquşub. Daha sonra “Audi” markalı avtomobillə bir müddət yoluna davam edib və polis tərəfindən dayandırılıb.

Polis hadisənin başvermə səbəblərinin hələlik məlum olmadığını bildirib.