Avtomobil izdihama çırpılıb, 15 nəfər xəsarət alıb

ABŞ-nin Luiziana ştatında Laos Yeni ilinin qeyd edildiyi festivalın keçirildiyi ərazinin yaxınlığında avtomobil izdihama çırpılıb, 15 nəfər xəsarət alıb.

Avtosfer.az-ın "Report"a istinadən məlumatına görə, bu barədə "Reuters" yerli hakimiyyət orqanlarına istinadən xəbər verib.

Mənbələrin məlumatına görə, xəsarət alanlardan 13-ü xəstəxanaya yerləşdirilib.

"Festivalın yaxınlığında baş verən hadisə xəbərindən dərin kədər hissi keçiririk", - təşkilatçılar bildirib. Onlar planlaşdırılan bütün tədbirlərin ləğv olunduğunu qeyd ediblər.

"Reuters"in məlumatına görə, İberiya Periş dairəsi şerifinin ofisi hadisədən qısa müddət sonra şübhəlini həbs edib, lakin motiv hələ müəyyən olunmayıb.