Avtomobil yolu qaçaraq keçən kişini vuraraq öldürdü - VİDEO

Səbail rayonunun Bayıl qəsəbəsində piyada ölümüylə nəticələnən qəza baş verib.
Avtosfer.az-ın məlumatına görə, bədbəxt hadisə noyabrın 4-də saat 17:30 radələrində qeydə alınıb. Belə ki, hərəkətdə olan avtomobil yolu qaçaraq keçən orta yaşlı kişini vurub. Ərazidə piyada keçidi olmasa da o, həyatını təhlükəyə atıb və nəqliyyat vasitələrinin hərəkətinə məhəl qoymayıb. Nəticədə qayda pozan piyada aldığı ağır zərbənin təsirindən hadisə yerində keçinib. 
Qeyd edək ki, hadisə yerinə DYP əməkdaşları cəlb olunub. Faktla bağlı araşdırma aparılır. 

Nərmin