Avtomobili qaçırıb hissələrə bölərək satmaq istəyən şəxslər yaxalandı - VİDEO

Avtomobili oğurlayıb, izi itirmək məqsədi ilə qara rəngə boyayıblar.

Avtosfer.az Xezerxeber.az-a istinadən xəbər verir ki, hadisə Xəzər rayonunda baş verib. Zərərçəkmiş şəxs polisə müraciət edərək bildirib ki, "VAZ-2107" markalı avtomobili qaçırılıb.

Şöbə əməkdaşları tərəfindən keçirilən tədbirlərlə hadisəni törətməkdə şübhəli bilinən əvvəllər məhkum olunmuş Əyyar Əliyev, Elgiz Hacızadə və Rafiq  Məmmədli saxlanıblar.

Saxlanılan şəxslər oğurladıqları avtomobili Ağcabədi rayonuna aparıblar. Onların məqsədi maşını ehtiyat hissələrinə ayırıb satmaq olub. İzi itirmək üçün avtomobilin rəngini və dövlət qeydiyyat nişanını da dəyişiblər.

Nəqliyyat vasitəsi rayon ərazisində sökülmüş vəziyyətdə tapılıb. Faktla bağlı araşdırmalar davam edir.

Mövzu ilə bağlı daha ətraflı videomaterialı təqdim edirik: