Avtomobilindən enib körpüdən özünü atdı

İstanbulda yerləşən 15 İyul Şəhidlər Körpüsündə günorta saatlarında baş verən faciəvi hadisə bir nəfərin həyatına son qoyub.

Avtosfer.az türk mediasına istinadən xəbər verir ki, hadisə şahidlərinin sözlərinə görə, saat 13:30 radələrində bir şəxs avtomobilini körpü üzərində saxlayaraq özünü Boğaza atıb. Hadisəni görən sürücülərin xəbərdarlığı ilə əraziyə polis, dəniz polisi və təcili tibbi yardım briqadaları göndərilib.

Qısa müddətdə axtarış işlərinə başlayan dəniz polisi, şəxsi sudan çıxarıb, lakin onun həyatını itirdiyi müəyyən edilib. Həyatını itirən şəxsin meyiti ekspertiza üçün Məhkəmə-Tibbi Ekspertiza İnstitutunun morquna aparılıb.

Hadisə səbəbindən 15 İyul Şəhidlər Körpüsündə hər iki istiqamətdə nəqliyyatın hərəkətində axsamalar olub. Bir müddət nəqliyyat axını hər iki istiqamətdə yalnız iki zolaq üzrə nəzarətli şəkildə təmin edilib.(sonxeber)