Az qala maşının altında qalan piyada son anda dayanıb sürücüyə yol verdi - VİDEO

Paytaxtın Atatürk prospektində yol hərəkəti qaydalarını pozan piyada avtomobilin kamerasına düşüb.

Avtosfer.az-ın məlumatına görə, hadisə dekabrın 16-da saat 17:41 radələrində qeydə alınıb. Görüntülərdən aydın olur ki, orta yaşlı kişi yolu təyin olunmamış yerdən keçərək həm özünü, həm də hərəkətdə olan avtomobilin sürücüsünü təhlükə qarşısında qoyub. O, yaxınlaşan nəqliyyat vasitəsinə məhəl qoymadan yoluna davam edib və qəza şəraiti yaradıb. Daha sonra piyada dayanaraq sürücüyə hərəkətini davam etdirməsi üçün işarə verib.

Qeyd edək ki, hadisənin baş verdiyi ərazinin yaxınlığında bir neçə nizamlanan və yerüstü piyada keçidi mövcuddur.

Nərmin