Azərbaycanda DƏHŞƏT: Yeni il gecəsi qardaşının evinə od vurdu - VİDEO

Birgə yaşayan qardaşlardan biri yaşadıqları evi yandırmaqda təqsirli bilinir. Hadisə Zaqatalanın Mosul kəndində baş verib. İddialara görə qardaşlar arasında mübahisə olub. Hadisə də bundan sonra baş verib. Eyni kənddə 1-2 saat içərisində 3 tövlədə də yanğın olub. Ot bağlamalarını alov bürüyüb

Zaqatalada birgə yaşayan 2 qardaşdan birinin həmin evi yandırdığı iddia edilir.

Hadisə rayonun Mosul kəndində Tərlan və Əhliman Gülməmmədov qardaşlarının yaşadığı evdə baş verib.

Hadisə ilə bağlı araşdırma aparılır. Zaqatala rayon polis şöbəsinin əməkdaşları dərhal əraziyə baxış keçiriblər. Hadisə yerindən müvafiq kül nümunələri götürülüb.

Eyni kənddə başqa yanğınlar da olub. Vətəndaşların sözlərinə görə bir-iki saat ərzində 3 ayrı həyətdə tövlədə yanğın olub. Ot bağlamaları alovlara qərq olub. 

Tövlə yanğınları ilə bağlı da araşdırmalar aparılır.