Bahalı avtomobili qaçırıb qəzaya düşdü, HƏBS OLUNDU - VİDEO

Rusiyanın paytaxtı Moskvada bahalı avtomobili oğurlayıb qəza törədən şəxs həbs edilib.

Avtosfer.az yerli mediaya istinadən xəbər verir ki, oğrunun Perm vilayətinin əvvəllər məhkum olunmuş 32 yaşlı sakini olduğu üzə çıxıb.

Məlumata görə, o, dekabrın 2-də səhər saatlarında şəhərin mərkəzində yerləşən yeraltı dayanacağa daxil olaraq oradakı dəbdəbəli “Mercedes”i görüb və maşının təkərinin yanındakı açarı götürərək onu qaçırıb.

Bildirilir ki, avtomobili idarə edən zaman həmin şəxsin başı telefona qarışdığı üçün qəzaya düşüb.

Bundan sonra avtomobili hadisə yerində qoyub qaçsa da, qısa müddət sonra saxlanılıb.

Məhkəmənin qərari ilə Rusiya Federasiyası Cinayət Məcəlləsinin 166-cı maddəsi (xüsusilə külli miqdarda maddi ziyana səbəb olan oğurluq) və Presnenski Rayonlararası Prokurorluğunun mövqeyini nəzərə alaraq, onun barəsində həbs qətimkan tədbiri seçilib.

Namiq Musayev