Bakıda 3 evdən antik əşyalar və 30 min manatlıq qızıl oğurlanıb - VİDEO

Hadisə 4 Aprel 2024 18:21 Oxunub 190
Bakıda 3 evdən antik əşyalar və 30 min manatlıq qızıl oğurlanıb - VİDEO
WhatsApp kanalımıza abunə ola bilərsiniz

Bakıda 3 evdən qiymətli antik əşyalar və 30 min manatlıq qızıl oğurlamaqda şübhəli bilinən şəxslər saxlanılıb.

Avtosfer.az DİN-ə istinadən xəbər verir ki, paytaxtın Səbail rayonu ərazisində silsilə oğurluq hadisələri qeydə alınıb. Naməlum şəxslər 3 vətəndaşın evindən 30.000 manat dəyərində qızıl-zinət, 2 ədəd mobil telefon, notbuk, fotoaparat və dəyərli antik əşyaları ələ keçiriblər.
Səbail RPİ 41-ci Polis bölməsi əməkdaşları tərəfindən keçirilən əməliyyat tədbirlərilə hadisələri törədən, əvvəllər məhkum olunmuş 1993-cü il təvəllüdlü Toğrul Abbaslı və həmyaşıdı Seymur Hacıyev saxlanılıblar. Onlar dindirmə zamanı hər üç evi eyni üsulla taladıqlarını, günlərlə mənzil sahiblərini izləyərək axşam saat 19:00-22:00 aralığında onların mənzildə olmadıqlarını müəyyənləşdirib əmin olduqdan sonra oğurluq etdiklərini bildiriblər.
T.Abbaslı və S.Hacıyevin paytaxtın digər ərazilərində analoji cinayətlərdə əlinin olub-olmamasının müəyyən edilməsi istiqamətində araşdırmalar davam etdirilir.

ŞƏRH YAZ
Ad

E-mail

Şərh