Bakıda ağcaqanad dərmanından ev yandı - VİDEO - YENİLƏNİB

Bakının Binəqədi rayonunda yanğın baş verib.

Hadisə Biləcəri qəsəbəsində, Şamil Manafova məxsus fərdi yaşayış evində qeydə alınıb.

Onun keçmiş həyat yoldaşı Elza Balabəyova bildirib ki, yanğına ağcaqanad dərmanının yandırılması səbəb olub:

"Dərmanı yandırıb çölə çıxdıq ki, qoxusu bizi boğmasın. Sonra gördüm ki, bacadan tüstü çıxır. Hər şeyim yandı".

Məsələ ilə bağlı ekspertiza işləri aparılır.

***

Bakının Binəqədi rayonunda yanğın baş verib. Avtosfer.az xəbər verir ki, hadisə Biləcəri qəsəbəsində, Natiq Həşimi 31 ünvanında Şamil Manafova məxsus fərdi yaşayış evində qeydə alınıb.

Onun iddiasına görə, hadisə vaxtı o evdə olmayıb. Yanğına səbəb isə ağcaqanad dərmanının yandırılması olub.

Hadisə yerinə FHN-nin iki yanğınsöndürmə texnikası cəlb edilib. Alovun qarşısı alınıb.

Hazırda ekspertiza işləri aparılır. Qeyd edək ki, Ş.Manafov Çernobıl əlilidir.

(oxu.az)