Bakıda avtobus sürücüsünün özbaşınalığı - yaşlı sərnişini qolundan tutaraq onu zorla... - VİDEO

Sürücü yaşlı sərnişinə avtobusdan enməyi tələb edir. Sonra isə qolundan tutaraq onu zorla nəqliyyat vasitəsindən kənarlaşdırır.

Görüntülər paytaxtda, BakuBUS MMC-yə məxsus avtobusların birində çəkilib. Şahidlərin xəbər ertəsinin votsap nömrəsinə yazdıqlarına görə, sərnişin nəqliyyat vasitəsinin arxa qapısından minərək ödəniş etmədiyi üçün sürücü onu avtobusdan düşməyə məcbur edib. Bu zaman digər sərnişinlər həmin şəxsin əvəzindən ödəniş etsə də, sürücünü fikrindən yayındırmaq mümkün olmayıb. 

 “Bakubus MMC”-dən xəbər ertəsinə bildirildi ki, həmin şəxs avtobusa minərkən həm sərxoş, həm də geyimi çirkli və qoxulu olub. Bundan əlavə O, tələb olunan gediş haqqını da ödəməyib. Sürücü də məhz buna görə sərnişininəqliyyat vasitəsindən endirmək məcburiyyətində qalıb. 

Hüquşünas Şamil Paşayev deyir ki, sərnişinlərin sərxoş halda ümumi istifadə də olan nəqliyyat vasitəsindən istifadə etmələri yolverilməzdir. Eyni zamanda sürücü gediş haqqını ödəmədiyi təqdirdə sərnişini avtobusdan kənarlaşdıra da bilər. Ancaq burada etik davranış qaydaları mütləq qorunmalıdır. 

Beləliklə, qanun sürücünün hərəkətlərinə haqq qazandırır. Bəs vətəndaşlar? 

Qeyd edək ki, hadisə şahidləri sərnişinin həm də eşitmə qabiliyyətini itirdiyini bildirirlər.