Bakıda avtomobildən düşən təkər digər maşına çırpıldı - VİDEO

Bakı şəhər Səbail rayonu ərazisində avtomobildən açılıb düşən ehtiyat hissə digər hərəkət iştirakçılarına təhlükə yaradıb və bir maşına ciddi zərər vurub.

Avtosfer.az unikal-a istinadən xəbər verir ki, hadisəyə dair görüntüləri Rəşad Məmmədli adlı şəxs sosial şəbəkədə paylaşıb.

O bildirib ki, hadisə aprelin 27-si Mikayıl Müşfiq küçəsində qeydə alınıb: “Saat 19:09 radələrində Qurd qapısından Bakı Şəhər Yol Polis İdarəsinə gedərkən əks tərəfdən gələn “Nissan Patrol”un baqaj hissəsində yerləşən ehtiyat təkərin qapaq hissəsi maşından düşərək mənim idarə etdiyim “Hyundai Grandeur” markalı avtomobilimin ön hissəsinə ciddi zərər vurdu. Bununla yanaşı, sağ zolaqda olan digər maşına da zərər dəydi. Lakin həmin avtomobil hazırkı vaxtadək tapılmayıb. Halbuki baş vermiş hadisə yol qəzası sayılmalıdır”.