Bakıda gənc mağazanın reklam lövhəsini sındırdı - DİN onun axtarışına başlayıb - VİDEO

Paytaxtın Azadlıq prospektində baş verən hadisənin görüntüsü nəzarət kamerasına düşüb. Avtosfer.az xəbər verir ki, günün qaranlıq saatında səki ilə hərəkət edən gənc divardan asılmış reklam lövhəsini yumruqla sındırıb. Qeyd edək ki, sındırılmış reklam lövhəsi yolun kənarındakı telefon mağazalarından birinə aiddir. Mağazanın sahibi məsələ ilə bağlı hüquq-mühafizə orqanlarına məlumat verib.

Daxili İşlər Nazirliyi (DİN) mətbuat xidmətinin əməkdaşı, polis baş leytenantı Nurlan Əliyev reklam lövhəsinin sındırılması ilə bağlı məsələdən xəbərdar olduqlarını bildirib. O qeyd edib ki, faktla bağlı araşdırma başlanılıb yekun nəticə barədə ictimaiyyətə əlavə məlumat veriləcək.

Könül