Bakıda içkili gəncdən təhlükəli hərəkətlər: Özünü yerə yıxıb söyüş söydü - VİDEO

Bakının Xətai rayonu Xudu Məmmədov küçəsində sürücülərə təhlükə yaradan şəxs görüntülənib.
Avtosfer.az xəbər verir ki, hadisə oktyabrın 16-da axşam saatlarında Həzi Aslanov metrosu yaxınlığında qeydə alınıb. Videodan göründüyü kimi, avtomobil yolunda gəzən oğlan qışqıraraq xoşagəlməz hərəkətlər edib. Müvazinətini itirən gənc, hətta bir neçə dəfə yola yıxılıb və ərazidən keçən sürücülərə qəza riski yaradıb. Onlar piyadaya siqnal verərək xəbərdarlıq etsələr də faydası olmayıb. Daha sonra vətəndaşlardan biri gəncə yaxınlaşaraq onu yoldan kənarlaşdırıb.
Qeyd edək ki, görüntü sosial şəbəkədə müzakirələrə səbəb olub. Hadisə şahidinin iddiasına görə, insanlar sərxoş halda olan şəxsi yoldan uzaqlaşdırmağa dəfələrlə cəhd ediblər. Lakin gənc, ona yaxınlaşan vətəndaşlara qarşı nalayiq ifadələr işlədərək yenidən təhlükə yaratmağa davam edib.

Nərmin