Bakıda içməli su 2 aydır yola axırmış? - Rəsmi qurum hərəkətə keçdi - VİDEO

Sabunçu rayonu, Qəzənfər Musabəyov küçəsində içməli su iki aya yaxındır ki küçəyə axır.

Avtosfer.az xəbər verir ki, bu barədə iddia Baku.ws-in "qaynar xətti"nə daxil olub.

Bildirilib ki, ərazidə yerləşən 68 saylı məktəb bir neçə il əvvəl baş verən yanğın nəticəsində yararsız hala düşərək sökülüb.

Yanğından sonra məktəbin yerindəki su borusu zədələnib və bu səbəbdən icməli su ətrafa axmağa başlayıb.

Sakinlərin sözlərinə görə, səhər saatlarında suyun təzyiqi yüksək olduğu üçün su güclü axır və yola ciddi ziyan vurur. Bu da həm maddi itkilərə, həm də ekoloji problemlərə səbəbiyyət verir.

Məsələ ilə əlaqədar İri Şəhərlərin Birləşmiş Su Təchizatı Xidmətinə sorğu ünvanladıq.

Qurumun mətbuat xidmətindən bildirilib ki, qeyd olunan ünvanda qəza briqadası tərəfindən hazırda axıntının qarşısı alınıb. Ərazidəki boru istimara yararsız halda olduğundan yaxın günlərdə borunun dəyişdirilməsi həyata keçiriləcək.